உப்பளம் -
கைகாட்டி
எனது சகோதரனின் உடல்
கசாப்புக் கடைகளில் தொங்கும்போது
கறிதின்று களிப்பேன் நான்.
அவன் கண்ணீரும்
இரத்தமும்
எனக்கு அருவெருப்பை உண்டுபண்ணுவன.
அவன் அழப் பிறந்தவன்,
நான் ஆள.
அவனுக்கிருப்பது முதுகெலும்பு
என்னுடையது கால்சியக்குப்பை
அவனுடைய தோள்களை வெட்டி
கூர்மழுங்கிய வாளை
வெற்றிகொள்ளக் காத்திருப்பேன்.
எதிர்காலத்தில்
நான் பூமியாள்வேன்
அவன் சிதிலங்களின்மீது
நட்சத்திர நாயகியின் உடை நெகிழுமா -
எனது பிரச்சினை
எனது சகோதரனின் விரை நசுக்கப்படுவதல்ல.
(1994-95)
கருத்துகள் இல்லை:
கருத்துரையிடுக